Kamis, 03 Mei 2012

Success Character Nakëuh Buët Biasa Njang Ka Meupeulazèm


Zamëun dilèe di nanggroë Tiongkok udèp sidroe panglima prang njang meutjeuhu ngon tjarong teumimbak panah.

Bak saboh uroë, dipanglima njan geuneuk peu deuh hajeuë droë geuh dikeuë rakjat. Kareuna njan geupeurintah mandum tantra geuh untôk peu sijap papëun sasaran dan 100 boh aneuk panah. Ban ka saré sijap, Panglima geutamong ladju u dalam lapangan deungon gagah, leungkap ngon mandum peukakah panah.
Panglima pih ladju geutarék busu panah dan djipipo sineuk-neuk aneuk panah njan. Rakjat pih geusurak dan geugrop-grop lambong geukalon panglima njang cukop that ceudah, hibat dan hayeuë lagèe na. Sireutôh go geutimbak man sireutôh neuk aneuk panah njan kenông paih pak sasaran.

Ngon ruman njang cukôp that ria ngon bangga, Panglima neukheun, “Hai rakjat lon, Ci neukalon panglima droeneuh! Uroë njoë, padum na carong ulon teumimbak aneuk panah, hana lom na geunantoë. Ci cuba peugah kiban meunurôt droëneuh ban mandum?,”

Meu seu-ôt sambôt dum pujoë keu panglima, sampoë sidroëneuh ureung tuha njang meukat minjeuk neukhen. “Panglima tjit tjukop that tjarong lagoina! Tapi atra njan mandum nakeuh saboh keahlian njang neu tueng dari buat njang ka neu peuadat.”
Ban saré neu deungo njan, meu tahe lé di panglima. Mandum ureung teumanjong, peu keuh meukeusud ureung tuha njan.

Ureung tuha njan neukheun, “Préh siat!” Geu gisa lé urueng tuha njan, neu tjok sineuk pèng griek Tiongkok djameun njang ka ruhueng bak teungôh, dan neupeuduek di ateuh babah katja gutji minjeuk njang soh.

Deungon sép that jakin, ureung tuha meukat minjeuk njan geutjok gayông njang peunoh ngon minjeuk geuléng lé u dalam gutji rot ruhueng pèng griek njan, sampé gutji njan peuneoh ngon minjeuk, dan ajaéb djih, hana meu sineuk pih minjeuk njang titèp ateuh pèng njan.

Panglima dan rakjat tahe bukon lé. Ureung jan manduk neu surak neukalon peu njang geupeuleumah lé ureung meukat minjeuk njan.

Deungon reundah haté, ureung tuha njan neubungkok badan neubri hormat keu panglima sira neukheun, “Njan mandum djeut kareuna saboh buet biasa njang kajèm dilatih. Saboh buet njang biasa menjo sabè diulang njan akan djeut keu saboh keuahlian."

Njoë keuh success character, njang djeut dari beut get njang geupeulazèm. Lagèe positive thinking, enthusiastic, optimis, discipline, integrity dan meutanggong djaweub.

Sumber : Meutardjim dari blog ureung lingka.

Tidak ada komentar:

Posting Komentar